កាលពីថ្ងៃទី ២៦ និង ២៧ មិថុនា ២០២៣ អង្គការសម្ពន្ធសិទ្ធិកុមារកម្ពុជាបានសហការជាមួយក្រុមប្រឹក្សាជាតិកម្ពុជាដើម្បីកុមារ រៀបចំសិក្ខាសាលាស្តីអំពី ការរៀបចំផែនការ និងថវិការឆ្លើយតបលើការអនុវត្តអនុសាសន៍របស់គណៈកម្មាធិការសិទ្ធិកុមារនៃអង្គការសហប្រជាជាតិ ដោយមានការចូលរួមពី តំណាងមកពីក្រសួងពាក់ព័ន្ធ តំណាងមកពីអង្គការមិនមែនរដ្ឋាភិបាល តំណាងកុមារនិងយុវជនសរុបចំនួន ៥៦នាក់ ស្រ្តី ចំនួន ១៤នាក់ នៅសណ្ឋាគារ អាស៊ាន ទីរួមខេត្តកំពង់ចាម។ កម្មវិធីនេះធ្វើឡើងក្រោមអធិបតេយ្យភាព ឯកឧត្តម ម៉ែន សុចិត្រ រដ្ឋលេខាធិការ និងជាតំណាងដ៏ខ្ពង់ខ្ពស់ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនិតិសម្បទា និងជាប្រធានក្រុមប្រឹក្សាជាតិកម្ពុជាដើម្បីកុមារ។ ដោយមានការឧបត្ថម្ភពី អង្គការ Plan International Cambodia អង្គការ ERIKS ទីភ្នាក់ងាស៊ុយអ៊ែតតាមរយៈអង្គការ Save the Children ។